رادار نيوز – كنت بصوتك وبلحنك تحنّلك وردات الدار وتتمايل بالعالي الشمس ويرقص عا صوتك لنهار وكان البحر يغنيلك وطير النورس يحكيلك شو مخبي بقلبوا اسرار وبصوتك غزّيت الكل ناس بفضلك صاروا كبار غنولك وتعالوا فيك وكتبولك اكبر شُعار عرفناك النبع الصافي وديع الشب الختيار وانت اليوم بهيدا الوقت عاكل الحبّوك مرقت تتودعهن وتغادر ومِنّا هالدني تهاجر وتترك فينا شعلة نار. بكيت تلاّت بلادي ومن اهروا صرخ الوادي والقمر العالي حدّك بي اسمك صار ينادي يرحمك الله يا جار لبس الحرف لوان الليل وغص اللحن ومالوا حَيل وعودك يا اعظم فنان جفل بموتك متل الخيل لمّا استدعاك الجبَار. رح يبقى اسمك موجود مع كل خيط يدقوا العود وصوتك يا صافي باقي يقطع بهالدني لحدود بين جيل و جيلوا دوّار سافِر ومغمّض عينيك رح تبقى بالساحه بَيك واعمالك رح تحكي فيك تستقبل عنّك زوّار
كلمات : فراس احمد فرحات.
