باسم يوسف يردّ على الإحراج الذي تعرّض له في لندن

رادار نيوز -أثار الإعلامي الساخر باسم يوسف ضجّة في لندن حيث كان يقدم عرضاً على أحد المسارح البريطانية، حيث قام بعض المصريين الحاضرين
بالصراخ واتهامه بالإضرار بوطنه وتشويه صورته، الأمر الذي دفعهم إلى مغادرة صالة العرض بعد شتمه..
وإثر هذه الحادثة خرج باسم يوسف عن صمته حيث نشر رسالة أكد من خلالها أنّ الذين شتموه عبارة عن خمسة أو ستة أشخاص “مزقوقين”، وقال: “أولاً مافيش اعتداء حصل ولا حاجة ولا في لندن ولا في نيويورك، برضة خمس ست أشخاص كل عشر دقايق اللي يطّلع يقول تحيا مصر أو يهتف سيسي سيسي أو يغني النشيد الوطني أو يقاطع بأي كلام مالوش لازمة والناس تشتمه، الأمن حاول يطلعهم كذا مرة وأنا بقولهم سيبوهم دول لطاف خالص والحمدلله اتسليت عليهم لغاية آخر العرض وكانوا بونبوناية الليلة .. أما الهتيفة البائسين فهم نفس الوشوش الهتيفة هنا في نيويورك ونفس “المواطنين الشرفاء” اللي معروفين للجالية المصرية هنا.. أنا حزين إن ناس في السن ده نازلة تهزأ نفسها في آخر عمرها كده، المهم الفيديوهات اللي نزلناها في أول وآخر العرض كفيلة إنها تثبت كذب الادعاءات دي بس مع ناس صدقت جهاز الكفتة والوحش المصري وإننا أسرنا قائد الأسطول السادس تفتكروا حتفرق؟ لا طبعا، هي بس حتوضح لكن مين المواقع المشبوهة اللي بتروج لأكاذيب يومكم فل.. وللتوضيح العرض كان ممتاز وكالعادة فيه برضة نفس الخمسة ستة البائسين اللي حاولوا يغلوشوا، والجمهور كان بيهتف out out out عشان هما اللي يطلعوا برة، طبعا المهنية اللي مقطعة بعضها مخلياهم بيكذبوا ويقولوا إن الهتاف كان ضدي، وده مش حقيقي، أنا نزلت امبارح الفيديو بتاع استقبالي لما دخلت المسرح، ودلوقتي باحط الفيديو اللي كان في آخر العرض وإزاي الجمهور كان مبسوط ومشجع جدا، بروباجندا رخيصة من مواقع رخيصة”.