تعمشقت بإيديي تا إحديلك..

تا أغمرك بروحي وغنيلك ..

من يومتل جيت عا هالدني ..

الورد من ريحتك صار يغتني..

وعيوني من فرحتها صارت تحكيلك ..

بدموعها ترسم حروف ترندح تناديلك ..

ما أغلى من إبني إلا إبنه يا إبني ..

هيك إمي غمرت إمك وعلمتني ..

بجوانح روحها كيف حضنتها وحضنتني ..

واليوم تا تكبر صار دوري أنا إحديلك ..

وإمك بوكرا نفس الغنية لولادك بتغنيلك ..

لما يصيروا بحضنها من بعيد دياتي بتوميلك ..

إلي عندك أمانة يا ستي لا تنساني ..

خلي صورتي مرافقة الفرحة مقابيلك ..

الشاعرة ميرنا ابو شبكة

Mirna Abou Chabkee