حِلف الدف – شعر أنطوان الأسمر

شعبي شعبَك يا وِلفي
معتَّر مُرّة حكاياتو
السوسة علينا عم تلفي
العيشة بالخندق ذاتو
الإيراني الدِمّة مصفّي
ْلْشعبو و لْخٌلفِيّاتو
و البِيَمّيني مقَفّي
سياسِة غِلّو و نَهباتو
والسُّعُودي عم يخفي
القطبة تحت عجالاتو
والأمريكاني مْوَفّي
بين الشرق و نكباتو
ونحنا منخلق باللفّي
بفخر “الدين” ومازاتو
ومنتظاهر بالعِفّي
منِقتُل عا خَبرِيّاتو
ما فينا هيك نكَفّي
ونعذّب هاللي ماتو
وكرمال المحنة نقَفّي
ونِبعد فشخة من الحَفّي
خللي دفّك عا دفّي
يرِدّو المجد وراياتو
(شعر أنطوان الأسمر)