الأبطال مبارح فلو
عا لايحة الشهادي
حتى لبنان يضلوا
بجردو و سهلو والوادي
وما بين العيش و ظلو
صرخة مدفع بتنادي
عن أرض بلادي حلوا
وكفوا شرّ الأيادي
يا عسكر عم تتجلوا
بدم معطر و زيادي
بتسقوا الأرزة و بتملوا
الكاس كرامة أجدادي
من قهر الشعب و ذلو
حملتوا الجعبة زوادي
واجهتوا العالم كلو
والشيطان المتمادي
من حيث الفضل و جلو
لو شي شبل من ولادي
لابس عسكر عا مطلو
حتى عن شعبو يفادي
كلمة من القلب بقلوا
“يا رايح تفدي بلادي
تمتل بالناس الفلوا
الحميو الأرزة و ما خلوا
تضيع الأرض من ولادي”
