يلي ناطر تعطي صوتك
وترجع تنتخب منجديد
وفر عحالك ورتاح
المجلس راجع بالتمديد
هي ذاتا شو ما عملنا
نكنّوا قبلنا أو ما قبلنا
هني ذاتن رجعوا لعنا
وما طلع بالايد
انتخبوا حالن من دون اذنك
من دون لا حملي و اموال
طلعوا اذكى مني و منك
ونحنا لطلعنا جهّال
شو بعدك ناطر تتحرك
جماع رفائك يلا نزال
علّق صورهم عالحيط
وملّي لعواميد
وبتقلي انك انسان
ولبناني بالهويه
وانت متبهدل طفران
ودوم كهربتك مطفيه
ومن فتره بعت الخزّان
ونسيت كيف شكل الميه
كل ما دارت عا بيتك بتعمل حفلي و عيد
اخدوا منك بيتك ارضك
وحتى حقق بالتصويت
وانتي سايق حالك بعدك
وراهن وبقيت
شو عملولك هودي الناس
وانت بوطنك مش مضمون
يا خيه غيّر هالراس
مش لازم تبقى مرهون
مدّوا ايدن عجيابك
باعوا بالرخص ترابك
هجروا ولادك منك
والهجرا عم بتزيد
يا جاري عمول حسابك
هني لعاشوا بهالوطن
ولوا شو ما صار و صابك
وحدك دافع هالتمن
شيل ايدك منهن وعراف
هل شلّي ما طلعوا نضاف
قوي قلبك لو مره
طالب بحقوقك ما تخاف
وما تهرب لبعيد
خليك تحدا الواقع
عن صوتك صراخ و دافع
ما تبقى ساكت مكسور
وكأنك منك نافع
انت لوصلتوا بايدك
وانت لبتشيلوا بايدك
فيك تغيّر هلحالي
بالوقت ل بتريد
كلمات: فراس فرحات
