رادار نيوز – اللبنانيون والمقيمون فيك يا وطني أبناء لك بيد أن أقلهم البار وأكثرهم العاق والجميع ينتظرون منك غفلة أو علة ليثبوا على إرثك فيعملون فيه نهباً، أما أنا ومن هو مثلي فنراك ابناً نهدهدك في حجرنا نائماً ونفدّيك بمهجتنا سقيماً وندرأ عنك اعدائك بنفسنا ودمنا، فإن كنا فيك مغرمين لك نصلي وإن شخصنا عنك نسكنك فؤادنا ونطبق عليك ضلوعنا، ومع هذا فنحن دائماً مشوقين اليك، حانين عليك.
يصفك يا لبنان يا وطني الشاعر قيصر مرعي باللبناني وبقول:
شوهالعمر كلّو حزن كلو بكي والأرض من أعمالنا عم تشتكي
عا بعضنا لما شهرنا سلاحنا خسرنا المحبة وما ربحنا المعركي
يا ريت متل جدودنا منرجع نعيش مسلم مسيحي عالمليح وعالوحيش
من قبل كان جناحنا مليان ريش واليوم صرنا نايمين عالحشيش
متل الحكاية عايشين على الحكي صار ابن أوى عالأسد يعمل زعيم
وعقل السليم هربان من جسم السليم كنّا عادرب الحب نمشي من قديم
وكان الذكي من قبل يضحك عالغشيم صار الغشيم اليوم يضحك عالذكي
صوت العدل مخنوق ما عندوا صدا والبغض فينا بلّش من المبتدا
الحب انتهى والشر عالخير اعتدا مافي حدا بيقدّر مواهب حدا
كنا نضحك على الناس صرنا مضحكي بعنا الأرض بعنا الحجر بعنا الشجر
ما عاد عنّا من فضل الله حجر كيف بدك تقدر تغض النظر
كان عنا مملكة تحاكي القمر صار عنا كوخ بدل المملكي
عماد جانبيه
