لمين قللي كرمال مين …
أنا حلفت بروحي بالغالي يمين ..
حلفت بالضحكة بفرحة زهر الياسمين ..
بفراق الورد ..
بغصة الشلح الحزين ..
بدعسات الشتي كلما ميل عالغصن تشرين ..
لمين قللي كرمال مين..
أنا خبيت الموال من سنين ..
مع بحة الناي وغناني منسيين ..
زرعت دموعي بعيونك صلاة وحنين ..
وبعدك عم تسألني كرمال مين …
أنا ضحيت بعمري لعيونك ..
شربت الكأس بأنين ..
تا تبقالي وأغمر جفونك ..
عا دراج الحب الأمين ..
ميرنا أبو شبكة
Mirna Abou Chabke
