همسات عاشق…

إطلع بعيونها .. بكي عا جنونها ..
حن عا خدودها .. سافر بدموعها ..

قلها :

إمسحي عن خدك هالدمعة الجارحة ..
دخلك لا تقولي إنك رايحة ..
إنسي اليوم بوكرا ومبارحة ..
خليك هون تا تضلي بحبي سارحة ..

قالتله :

أنا ما بقدر .. ما فيي هيك ..
يا عمري روح وضيع إيديك ..
قدري بياخدني عنك بعيد ..
بترجعني خجلاني نظرة عينيك ..
عمري راح وما نطر ..
تعبت وتعبني القدر ..
شو قولك ضحك عليي القمر ..
تا إغفى بحلمي وضلني مشتاقة ليك ..
رجع اطلع بعيونها .. بكي عا جنونها ..
حن عا خدودها .. سافر بدموعها ..

قلها :

دخلك بحلف بعيونك ..
بهالحرفين الناموا عا جفونك ..
بحلف بهالسر ما بخونك ..
اعطيني قلبك تا صير مديونك ..

الشاعرة ميرنا أبو شبكة

Mirna Abou Chabke