اسمعني يا رفيقي الشهيد … لفليت عنا بكير نفس الغلطة عم منعيد…. تايرجع لي صار يصير رجعنا نمشي نفس الدرب… ونفتش على ولا شي كأنو منسنين الحرب… ما تعلمنا منّا شي و 30 سنة من الذل… بيظهر ما بتكفينا رجع الحقد فينا يحل… ورجعوا يلعبوا فينا قلوبنا صارت من حديد… وما تعلمنا من الماضي خايف يا رفيقي الشهيد … يكون غيابك عالفاضي
والشباب بعدا بتفل… وعم نسمع صوت قنابل ورجع الكل يسب الكل… وانخلط الحابل بالنابل ومشيت لغة التجريح … وبعدوا بلدي ع جراحو قولك رح تاخدنا الريح … ما بيكفوا اللي راحوا سبق وشربنا من الكاس… وبكينا عالمقابر ورجعت خطوط التماس… وظهرت فجأه المعابر يا ريت تزورن شي يوم … مش عم يسمعوا منّي فيقهن انت من النوم… ببلد متل الجنة
قلن يا بشر اوعا … ترجعوا لهاك الايام صار لازم بقا نوعا … ببلد بيلبقلو السلام ما حدا منّا سئلان … ولاعَ وطنو خايف كل واحد فاتح دكان … ليتاجر بالطوايف يا عالم كل الاديان … بتدعي لنكون محبّين ونحنا منكره الانسان … ومنحط الحجة بالدين قلوبنا صارت من حديد … وما تعلمنا من الماضي خايف يا رفيقي الشهيد … يكون غيابك عالفاضي
بنتَك صارت صبية … وصار عمرا فوق العشرين بتسأل وينوي بيي … وبيي استشهد كرمال مين ؟ قلتلا راح بدمو … دفع حق الحرية القضية كانت همّو … واستشهد للقضية قالت ايّا حرية ؟ … وشو بدي بالقضية مبارح بحفلة تخرجت … وما كان بالحفلة بيي قلن تا يوعوا من جديد … وما يرجعونا للماضي حتى بابا هالشهيد ما يكون راح و عالفاضي
كلمات : فراس فرحات
