يا جيش لبنان القوي الجبّار كتاف الأرض حمّلتها ديونك
ردّيت عنها موجة الأخطار وحققت ظن الشعب، وظنونك
متل ما عالأرض عم بتغار لازم عليك نغار، ونصونك
الأرض العليها سهرت ليل نهار بترفض تعيش السلم من دونك
منّك عطيت الأمن استقرار وحافظت عا حدود الوطن بالنار
وحافظت عا الأرزات بعيونك
يا جيشنا لصدق المبادي بتحتوي
من دمّك تراب الوطن عم يرتوي
بالرغم ما الحاقد على غدرك نوي
لا عزمك تغيّر … ولا زندك لوي
كل الشرف والتضحية وكل الوفا
برسالتك يا جيش لبنان القوي
