علمي صفّينا النيه و رجعنا احباب
تا رجعت هالخبريه تدقدق عا لبواب
نيران وصوت بواريد
شويت تقنيص منبعيد
وجيشك يا وطني برجالوا مجروح ومنصاب
من محسن للتباني حرب ونارا ولعاني
جماعة كذب و تكفير بتقتّل علعمياني
صارت بلدي بقعة دم تغلغل بالتراب
شويت زعران و جهّال
فتكروا بأفعالن أبطال
خربوا مديني كل عُمرا منارة لشمال
اذا منك خايف من الله
مفكّرها لعبي و تتسلا
بُكرا رح توقف ندمان تبكي عالشباب
لراحت من إيدك و بإيدك
موتن غلطه علاّ رصيدك
زوّد سهمك بالاجرام ومفكر انوا رح بي فيدك
وانوا ما في حساب
بهل الحرب كلنا رح نخسر
وجاي يوم ورح تتحسّر
تاكل حالك من قهرك
وريّح ضميرك لو تقدر
أوعى وفكّر وتروا وخفّف هل عذاب
لبنان ما بيستاهل إلاّ كل شي منيح
شيل البارودي من إيداك غيّر مجرا الريح
رجاع لعقلاتك وكبار
ما تحشر حالك بالنار حيَد عنها وزيح
خلينا نرجع جيران وأكتر من أصحاب
طرابلس كانت اسطوره
ما تشوّه فيها الصوره
رجّعها عا أمجادا وخلّي لما شافا يزورا
مديني بكتب التاريخ من افضل كتاب
كلمات: فراس فرحات
