افتتاحاً مع النشيد الوطني

السلام عليكم ورحمة الله وبركاته صاحب الرعاية معالي الوزير غازي زعيتر، حضرات الأخوة رؤوساء وأعضاء البلديات الفعاليات والسادة المشاركين حفظكم الله

تحية وتقدير واحترام

بهيدي المناسبة مدينة صور، مدينة الإمام موسى الصدر، مدينة الأهل والأحبة مدينتكن، طبعت بذاكرتنا حتمية الانتماء، فمن أجلا ومن أجل تاريخا العظيم الحافل بالأمجاد، وخزانا الحاضر بالمقاومين وحضارتا العريقة اللي ضاربة بأعماق التاريخ، وآثارا الخالدة بتشهد الا الأيام، والعصور، بتحكي للوافدين أمجاد اهلنا وجدودنا وشهدائنا… مافي شي أعز عند الإنسان من وطنو، وبالتحديد مدينتو اللي تربى فيا، وترعرع فوق أرضا، وتحت سماها …

أهمية اقامة هيدا الحدث شهر السياحة والتسوق عام 2017، بيتثمّن لمدينة صور ومجلسها البلدي والشركات الراعية احتضان هيدا النشاط، كمان هوي بتعاون وتكاتف من الكلّ، جمعية التجار وكل المحلات التجارية.

 وهيدا اللي بساعد وبيجعل مدينة صور واجهة اقتصادية وسياحية، بتدعم روابطنا الإنسانية بين بعضنا، وبتزيد من انتاجنا وبتحقق مكاسبنا، وبمتمكّنا النهوض بمجتمعنا… وخيارات كثيرة تتكون المدينة النموذجية على مستوى الجنوب اللبناني وكل لبنان..

منعتبر انو هيدا الشهر وهيدي المناسبة محطتين من محطات العطاء، وحدثا ببرهن وبأكد انو نحنا شعب بحب الحياة، والهدف الاول والاخير نصرة المواطن وحفظ لقمة عيشو ودعم بقائو بأرضو، رغم الظروف الاقتصادية القاسية واللحظة السياسية الصعبة.

دايماً عنا امل باستمرار هيدي متل هيك نشاطات عا كل المستويات اقتصاية كانت ام تجارية ثقافية انمائية تربوية والإفادة منّا للوصول لاقامة معارض بتشمل وبتحتضن كل المناطق على ارض مدينة صور