ما تكون زعلان مني هالمرة كتير …
عند الصبح صبحتك قبل ما الطير يطير…
وهاك اليوم مرجحتك بغمراتي…
من شعورك زينت غصون همساتي…
بس بالحقيقة..
أنا لما بشلح كلماتي…
الأرض بتتحرك بتسمع دعساتي ..
والبوسة بلا حب ..
متل النبع بلا هدير ..
ما بترويلي عيوني ونظراتي ..
ما بتلمس نسمة من نسماتي ..
والشاعر يللي متلي …
ما بيغرق بموج العواطف وتعتير …
أنا بغرق البحر بآهاتي ..
مش ناقصني سكر وخمرة ومشاوير ..
ناقصني قلب يغمرني بغمراتي ..
تا إهدي أغلى حروفي وحكاياتي..
والتاج يلبقله…
تا يصير متلي أمير …
Mirna Abou Chabkee
الشاعرة ميرنا ابو شبكة
