الصحافي – بقلم نقيب شعراء الزجل في لبنان جورج ابو انطون

136 views
6 mins read

تعا يا شعر لملم عن شفافي                                    بهالجو الحلو أحلا القوافي

بأرض لبنان عنّا قلام حرّة                                         ومواهب موّنو الكلمة ثقافي

الصحافي كلمتو الحلوة مصرّه                                    ما تترك عالحقيقة سرّ خافي

الصحافي علخبر لولا تحرّى                                       بيشيلو من مخابي جفن غافي

من جبيل الجمع أحرف بصرّه                                     وقطع بسفينتو أبعد مسافي

تا خلاّ الحرف لغّه مستمرّه                                       صحافي كان صاحب رأي صافي

الصحافي كلمتو بالنقد مرّه                                     إذا الموضوع كان بدو تجافي

وكلام الحق عا كفوفو تمرّى                                    متى الموضوع كان بدو لطافي

الصحافي عاجبين الشمس غرّه                             وقلب دايب على الكلمه شفافي

وبيقولو بالبلاد المستقرّه                                      السلطه التالتي قواس المحاكم

السلطه الرابعه قلام الصحافي

Previous Story

لبنان في المركز الاوّل عالميّا‏… روبير الهاشم

Next Story

حسن صعب الأب الروحي لإنماء الإنسان

Latest from Blog