الحق للإنسان
بالمحكمة منصان
قوانين بقوانين
وصار الورق بليان
وغبار فوق غبار
وتا تعرف القانون
بدك ألف سمسار
مخرّج من السوربون
وبالنصب جبّار
بيقشقش جيابك
وبيسرق تيابك
وبيلعن الجابك
وحضرتك بتكون
لجميلتو ممنون
وكلّو على حسابك
والحق عالطليان
بتتعذب وبتروح
وبتحضر الجلسات
وصوتك اذا بيبوح
رح تاكل العيطات
من التعب بتسوح
وريحتك بتفوح
ومقفَّله بغالات
أبواب حمَّامات
والمحامي ديك
من فوق بيحاكيك
من الحكي بيعطيك
وبيسحب الدمّات
وسنين خلف سنين
وبتضيع لملفات
وبينتهي امرك
وبينطفي جمرك
نرْبحتْ يمّا خسرتْ
عّم ينقصف عمرك
وبتعمل حسابك
شو دفعت جيابك
وبعد الشقا بتشوف
انك انت خسران
والحق للإنسان
بالمحكمة منصان
ومن ثقل وزن الحق
تخربط الميزان
الامر مش معقول
ما في حدا مسؤول
ومنرجع وبنقول
والحق عالطليان
